काठमाण्डू, पहिलो सिजनको नेपाल प्रिमियर लिग ९एनपिएल० अन्तर्गत लिग चरणको अन्तिम खेलमा सुदूरपश्चिम रोयल्सले कर्णाली याक्सलाई ६ विकेटले हराएको छ ।
सोमबार भएको खेलमा कर्णालीले दिएको १ सय २ रनको लक्ष्य सुदूरपश्चिमले १५.२ ओभरमा ४ विकेट गुमाएर पूरा गर्यो ।
उसका लागि कप्तान दीपेन्द्र सिंह ऐरीले २९ बलमा चार चौका र एक छक्कासहित सर्वाधिक ३८ रन बनाए ।
ऐरी ‘प्लेयर अफ द म्याच’ घोषित भए । यस्तै, इशान पाण्डेले ३६ बलमा चार चौकासहित अविजित ३८ रनको योगदान दिए । सैफ जैबले ११ रन जोडे ।
कर्णालीका लागि सोमपाल कामी, विपिन शर्मा र नन्दन यादवले एकरएक विकेट लिए ।
त्यसअघि कीर्तिपुरस्थित त्रिवि मैदानमा टस हारेर ब्याटिङको निम्तो पाएको कर्णाली निर्धारित २० ओभरमा १ सय १ रनमा अलआउट भयो ।
उसका लागि जीशान मक्सूदले ३५ बलमा चार चौकासहित सर्वाधिक ३० रन बनाए ।
यस्तै, विलियम बोसिस्टोले १६, बाबर हयातले १३, चाडविक वाल्टन र कप्तान सोमपाल कामीले ११र११ रन जोडे ।
बाँकी ब्याटरले भने दोहोरो अंकमा समेत रन बनाउन सकेनन् । सुदूरपश्चिमका लागि हरमित सिंहले तीन, कप्तान दीपेन्द्र सिंह ऐरी र स्कट कुग्लाइनले दुईरदुई तथा सैफ जैबले एक विकेट लिए ।
प्लेअफ पुग्ने चारवटै टिमको टुंगो लाग्यो
एनपिएलको प्लेअफमा पुग्ने चारवटै टिमको लागेको छ । पहिलो सिजनको एनपिएल प्लेअफमा सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्सले प्लेअफको यात्रा गरे ।
अब क्वालिफायर वानमा सुदूरपश्चिम र जनकपुर भिड्ने छन् । उक्त खेलको विजेताले फाइनलको यात्रा गर्नेछ । क्वालिफायर वानमा पराजित टिमलाई फेरि फाइनल पुग्ने अर्को मौका मिल्नेछ । त्यो हो, क्वालिफायर दुई ।
क्वालिफायर दुईमा एलिमिनेटरको विजेता र क्वालिफायर वानको पराजित टिम प्रतिस्पर्धा गर्ने छन् ।
एलिमिनेटरमा चितवन र कर्णाली प्रतिस्पर्धा गर्ने छन् । उक्त खेलमा पराजित टिम एनपिएलबाट बाहिरिने छ ।
एलिमिनेटर र क्वालिफायर वानको म्याच बुधबार हुने तालिका छ । यस्तै, क्वालिफायर दुईको खेल बिहीबार तथा फाइनल खेल शनिबार हुनेछ ।
