काठमाण्डू, जय ट्रफी मेन्स एलिट कपमा विभागीय नेपाल पुलिस क्लबविरुद्धको पहिलो इनिङमा मधेश प्रदेशका ओपनिङ ब्याटर मयन यादवले अर्धशतक पूरा गरेका छन् ।
उनले ७९ बलमा चार चौका र एक छक्काको सहयोगमा अर्धशतक पूरा गरेका हुन् । मयन जारी प्रतियोगितामा राम्रो लयमा छन् ।
उनले पहिलो खेलको दोस्रो इनिङमा बागमती प्रदेशविरुद्ध १ सय ६ रनको शतकीय पारी खेलेका थिए । उनको शतकका बाबजुद मधेश र बागमतीबीचको खेल ड्र भयो ।
पुलिसविरुद्ध मधेशले उत्कृष्ट पुनरागमन गरेको छ । वीरगञ्जको नारायणी क्रिकेट ग्राउन्डमा टस हारेर ब्याटिङको मौका पाएको मधेशले यो समाचार तयार पार्दासम्म २७ ओभरमा २ विकेट गुमाएर ९९ रन बनाएको छ ।
यस्तै, आजै भइरहेको अर्को खेलमा बागमती प्रदेशविरुद्धको पहिलो इनिङमा त्रिभुवन आर्मी क्लबले उत्कृष्ट सुरुवात गरेको छ ।
जनकपुरको रामजानकी मल्टिप्रपोज ग्राउन्डमा जारी खेलमा टस हारेर ब्याटिङको निम्तो पाएको आर्मीले २० ओभरमा बिनाविकेट गुमाएर ८८ रन बनाएको छ ।
यो अवस्थासम्म आर्मीका लागि ओपनरद्वय तृतराज दासले ३५ र इमरान शेखले ३४ रन बनाएर खेलिरहेका छन् । आर्मीले पहिलो खेलमा पुलिस तथा बागमतीले प्रदेश प्रदेशसँग ड्र खेलेका थिए ।
