त्रिशुली नदीमा खसेको जीप भेटियो, यात्रुको संख्या खोजी गर्दै प्रहरी

चितवन, नारायणगढ मुग्लिङ सडकको ३ नम्बर पुलमा आज बिहानै बलेरो त्रिशूली नदीमा खसेको छ ।

मुग्लिनवाट नारायणगढ तर्फ जादै गरेको भारतीय नम्बर विआर ९ जिसी १४३ नम्बरको बलेरो विहान करिब पौने ५ बजेतिर त्रिशूलीमा खसेको ट्राफिक प्रहरीले जनाएको छ ।

सिङ्गल क्याबिन भएको बलेरोमा मानिस भने कोहि पनि नभेटिएको प्रहरीको भनाई छ । स्थानीयले त्रिशूली नदी भित्र पानीमा गाडीको लाइट बलेको खबर प्रहरीलाई गरेका थिए ।

त्यसपछि गएको प्रहरीसहितको गोताखोर टोलीले पानी भित्र गाडी भेट्टाएको हो । जीप सडकबाट करिब ८५ मिटर तल खसेको छ ।

गाडीभित्र मान्छे र सामान केही पनि नभएको प्रहरीले जनाएको छ ।मानिसको खोजी तथा गाडी बाहिर निकाल्ने काम प्रहरीले जारी राखेको छ ।

उक्त जीपमा कति यात्रु सवार थिए भन्ने यकिन हुन सकेको छैन ।