काठमाण्डू, सुमी मोक्तान लामाले नेपाल पर्वतारोह संघको कोषाध्यक्ष पदमा उम्मेदारी दिएकी छन् । कुलबहादुर गुरुङ समूहबाट लामाले कोषाध्यक्षमा उम्मेदवारी दिएकी हुन ।
पर्वतारोहण संघमा नयाँ आयम थप्ने र नयाँ पुस्ताको लागि प्रेरणाका लागि उम्मेदवारी दिएकी लामा लामा एडभेन्चर प्रालिका सञ्चालक तथा पर्यटन व्यवसायी सन्तवीर लामाकी सुपुत्री हुन् ।
यही पृष्ठभूमिका कारण सुमीलाई नेपालको पर्यटकीय गन्तव्य, पदयात्रा, पर्वतीय पर्यटन र यस क्षेत्रका सम्भावनाहरूको गहिरो ज्ञान छ ।
एडभेन्चर टुरिजममा मास्टर डिग्री हासिल गरेकी लामा हिमालप्रतिको आकर्षण र मोहका कारण उनले देशका विभिन्न प्रमुख पर्यटकीय पदमार्गहरू भ्रमण गरेकी छन् ।
आम मतदाताको रोजाइमा परेकी लामाले इस्ट हिमालको सफल आरोहणसमेत गरिसकेकी छन्।
लामा एडभेन्चर प्रालिमा विगत आठ वर्षदेखि सक्रिय रूपमा संलग्न रहँदै आएकी लामा अनुभव र दृढ इच्छाशक्तिका आधारमा पर्वतारोहण संघको कोषाध्यक्ष पदमा उम्मेदवारी दिएको दावी गर्दै आएकी छन् ।
पर्यटन ब्यावसायका अलावा रोटरी क्लब अफ कमलादीको दोस्रो कार्यकालका लागि कोषाध्यक्षको रूपमा कार्यरत छन् ।
भुजुङ हाइड्रोकी प्रमोटर समेत लरहेकी लामाको जल पर्यटन र उद्योगीको बेग्लै पहिचान रहेको छ ।
पुर्खौलाी थलो काभ्रेको चौरीदेउराली भएपनि लामा नेपाली चलचित्र क्षेत्रकी एक चर्चित व्यक्तित्व हुन् ।
विभिन्न म्यूजिक भिडियोहरूमा अभिनय गर्नुका साथै चलचित्र निर्माणमा पनि संलग्न रहँदै आएकी छन्।
लामा नेपालकै पहिलो एभरेस्ट कफीकी निर्देशक समेत हुन ।
