काठमाण्डू, प्रतीभाको खोजी र मौलिकताको सम्मान नारा लिएर रियालिटी शोे गाउँछ गीत प्रसारण हुने भएको छ ।
नेपाली संगीतको विकास र विस्तारको लक्ष्यलाई आत्मसात गर्दै नवप्रतीभाहरुको खोज, पहिचान र सम्मानलाई प्रमुख आधार बनाएर रियलिटी शो आउन लागेको हो ।
शनिवार काठमाण्डूमा पत्रकार सम्मलेलन गरेर एच.एस. साइना क्रिएसनले रियलिटी शो गाउँछ गीतको औपचारिक रुपमा सार्वजनिक गरेको छ ।
प्रमुख अतिथि तथा रियलिटी शो का निर्णायक वरिष्ठ संगीतकर्मी दीपक जंगमले सांगितिक अभियान थाल्न सजिलो भएपनि निरन्तरता दिन कठिन भएको बताए ।
गीत संगीत र यायक सर्जकको सही जजमेण्टका लागि ग्रामीण क्षेत्रलाई ध्यान दिन आग्रह गर्दै संगमले निर्णयकको भूमिकामा रहनु कठिन काम भएपनि सही निर्णय गर्नबाट बिचलित नहुने बताए ।
बिषेश अतिथि पत्रकार ॠषि धमलाले गीत संगीतको संगम भएको बताएका थिए ।
पत्रकार धमलाले संगीत मानव जीवनको अभिन्न अंग भएकोले गाउँछ गीत नेपाली रियलिटी शो पनि संगीतमा भविश्य देख्ने नवप्रतीभाका लागि महत्वपूर्ण स्थल बन्ने बताए ।
रियलिटी शो आउने पुस्ताका लागि मार्गनिर्देशक बन्न सक्ने भन्दै पत्रकार धमलाले मौलिकतामा ध्यान दिन आयोजकलाई आग्रह गरे ।
अर्का निणैयक संगीता राना प्रधानले गीत संगीतले देशलाई सहि दिशामा अघि बढन सहयोग पुग्ने बताइन ।
गीत संगीत साधना भएकोले साधकले कहिल्यै पनि पछि फर्कन नपर्ने भन्दै प्रधानले विद्यालय तहबाट संगीतको पठनपाठन गर्न सरकारलाई आग्रह गरिन ।
कार्यक्रममा अर्का निर्णयक थानेश्वर गौतमले अरु भन्दा फरक केही दिन सकिन्छ की भनेर निर्णयकको भूमिकामा आएको बताए ।
गायक गौतमले यो रियलिटी शो बाट जन्मेको प्रतीभाले जीवन यापन गर्न सक्ने किसिमको बन्न सक्ने दावी गरे ।
अन्य रियलिटी शो भन्दा फरक शैली र रुपमा प्रसारण हुन लागेकोले बिभिन्न भाषा, संस्कृति र मौलिकता यो कार्यक्रममको बिषेशता भएको निर्णयक गौतमको भनाइ थियो ।
गीतकार युवराज अधिकारीले नेपाली गीत संगीतको आफ्नै मौलिकता भएकोले पीडा भुलाउन सक्ने बताए ।
गीत संगीतले सबैलाई समेटन सक्ने भन्दै गीतकार अधिकारीले गीतमा कसैको विचार र वाद नहुने जिकिर गरे ।
कार्यक्रमले संगीतको मौलिकता, विविधता र सांस्कृतिक पहिचानको संरक्षण गर्दै नयाँ पुस्तालाई संगीतमा आउन प्रेरण दिन सक्ने आयोजकले अपेक्षा गरेको छ ।
प्रतियोगितामा १६ बर्ष माथिका सबैले सहचागिता जनाउन पाउने छन् । प्रतियोगिताका बिजेताले नगद रु २५ लाख पाउने छन् ।
आज शनिवारबाट नै डिजिटल अडिशन शुरु भएको आयोजकको भनाइ छ । अडिशन सकिएपछि प्राइम टाईम्स टेलिजिनबाट प्रसारण हुने छ ।
