काठमाण्डू, साताको कारोबारको तेस्रो दिन आज सेयर बजारमा सामान्य अंकको गिरावट आएको छ ।
आज नेप्से परिसूचक ८ दशमलव १८ अंकले घटेर २९२३ दशमलव ४६ को विन्दूमा झरेको छ ।
आज ३३२ कम्पनीको २ लाख ४१ हजार ६६५ पटकको कारोबारमा ५ करोड २७ लाख ६४ हजार ८ सय ३२ कित्ता सेयर खरिद बिक्री भएको छ ।
जसमा कारोबार रकम २१ अर्ब ५१ करोड ५ लाख १० हजार पैयाँ रहेको छ ।
त्यस्तै, सेन्सेटिभ इन्डेक्स १ दशमलव ३२ अंकले घटेको छ भने फ्लोट इन्डेक्स ० दशमलव ४३ अंकले घटेको छ ।
१३ उपसमूहमध्ये ५ वटा बढ्दा ८ वटा घटेको छ । नेपाल फाइनान्सको सबैभन्दा धेरै कारोबार भएको छ भने आज ३ कम्पनीका लगानीकर्ताले १० प्रतिशतका दरले कमाएका छन् ।
