काठमाण्डू, साताको पहिलो दिन आइतबार नेपाली बजारमा सुनको मूल्य बढेको छ ।
नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला १ हजार रुपैयाँले बढेको हो ।
शुक्रबार १ लाख ५१ हजार ४ सय रुपैयाँमा कारोबार भएको छापावाल सुन आज बढेर १ लाख ५२ हजार ४ सय रुपैयाँमा कारोबार भइरहेको छ ।
यस्तै, आज चाँदीको मूल्य पनि बढेको छ ।
शुक्रबार तोलामा १ हजार ८ सय १५ रुपैयाँमा कारोबार भएको चाँदी आज ३५ रुपैयाँले बढेर १ हजार ८ सय ५० रुपैयाँमा कारोबार भइरहेको महासंघले जनाएको छ ।
