काठमाण्डू, यू–१९ पुरुष विश्वकपको एसिया छनोटका लागि नेपालको टिम घोषणा गरिएको छ ।
नेपाल क्रिकेट संघ (क्यान) ले सोमबार नरेन भट्टको कप्तानीमा १८ सदस्यीय टोली घोषणा गरेको हो ।
टिमको उपकप्तानमा अभिषेक तिवारी नियुक्त भएका छन् । आसन्न संस्करणको एसिया क्षेत्र छनोट यही ३० चैतदेखि ८ वैशाखसम्म काठमाडौंमा आयोजना हुनेछ ।
प्रतियोगितामा आयोजक नेपालले अफगानिस्तान, यूएई, हङकङ र ओमानको सामना गर्नेछ ।
प्रतियोगिताको विजेताले आउँदो वर्षको यू–१९ विश्वकप खेल्न पाउनेछ ।
नेपालको टिम : नरेन भट्ट (कप्तान), अभिषेक तिवारी, निरजकुमार यादव, सहिल पटेल, सिव्रिन श्रेष्ठ, रोशनकुमार विश्वकर्मा, दर्श सोनार, दिलसाद अलि, सन्तोष यादव, अशोक धामी, दयानन्द मण्डल, अपराजित पौडेल, युवराज खत्री, अरबिन्द घर्ती, सोहेल कुँवर, विपिनकुमार शर्मा, नितेश पटेल र अमर मिश्र ।
