काठमाण्डू, अभिनेत्री अरुणिमा लम्सालले नेपाली कांग्रेसका नेता युवराज श्रेष्ठसँग विवाह गरेकी छिन् ।
उनीहरूले सोमबार काठमाडौंको बत्तीसपुतलीस्थित राम मन्दिरमा लगनगाँठो कसेका हुन् ।
श्रेष्ठ नेपाली कांग्रेस सुनसरीस्थित बराहक्षेत्र नगरसमितिका उपसभापति हुन्। बराहक्षेत्र, चतरा घर भएका उनी व्यवसायीसमेत हुन्।
यी दुईबीच६ महिनादेखि प्रेम सम्बन्ध रहेको थियो । उनीहरूले केही दिनअघि सुनसरी जिल्ला अदालतमा कोर्ट म्यारिज गरेका थिए ।
सोमबार धार्मिक विधिअनुसार उनीहरुले विवाह गरेका हुन्। लामो समयदेखि अमेरिकामा बसोबास गर्दै आएकी अरुणिमाको यो दोस्रो विवाह हो।
पहिलो पतिबाट उनकी एक छोरी छिन् ।
