काठमाण्डू, नेपाल पर्वतारेहण संघको आसन्न निर्वाचनका लागि फुरगेल्जे शेर्पा समूहबाट महासचिवमा राजेन्द्रबहादुर लामाले उम्मेदवारी दिएका छन् ।
बिगत तीन बर्ष संघको सदस्यको रुपमा काम गर्दै आएका लामा पर्वतीय पर्यटनमा चिनिएका ब्यावासायी हुन् ।
हिमाली भेगमा जीबनयापन गरिरहेका समुदायहरुको संस्कृति भावना र सघर्षलाई नजिकबाट बुझेका लामाकै संयोजकत्वमा पर्बतारोहण पाठयक्रम निर्माण गरिएको थियो ।
अन्तिम चरणमा पुगेको पाठयक्रम निर्माणका लागि यस पटक पनि पर्यटन बोर्डबाट बजेट विनियोजन गराउन सफल ब्यावसायी लामाले आफूले थालेको काम सम्पन्न गर्न पनि उम्मेदवारी दिएको बताएका छन् ।
पर्यटनसित सरोकार राख्ने सबै निकायसित समन्वय गरेर पोखराको माउन्टेन म्युजियमलाई अन्तर्राष्ट्रिय स्तरको बनाउन विभिन्न योजनाहरु लामाले अघि सारेका छन् ।
बढ्दो जलबायु परिबर्तनले हिमाल र हिमाली भेगमा बसोबास गर्ने समुदायलाइ परेको असरबारे नजिकबाट अनुभूति गरेका लामाले पर्वतीय पर्यटनभित्रका भोगाइ र पीडाहरुलाई शिक्षाका रुपमा लिएर अघि बढेका ब्यावसायी हुन् ।
जवाफदेहिता र असल कर्मप्रतिको विश्वासले मात्र दिगो पर्यटकीय प्रबर्धन,बाताबरणीय संरक्षण तथा हिमालको संरक्षण र आरोहीहरुको बर्तमान अवस्थालाई अझै ब्यबस्थित बनाउन सकिने लामाको बुझाइ छ ।
पर्वतीय पर्यटनमा देखापरेको जटिलता र चुनौतीलाई सम्बोधन गर्न संघका तर्फबाट चाल्नुपर्ने रणनीतिक भूमिका बारे व्यक्तिगत र संंस्थागत रुपमा लामाले योजना तयार पारेर अघि बढेका छन् ।
संघमार्फत अन्तराष्ट्रिय अल्पाइन क्लबहरुसंग साझेदारी गर्दै अन्तराष्ट्रिय समुदायको बिचमा नेपालको पर्वतीय पर्यटनको बिकास र सहकार्यको अभ्यास बढाउन लागि पर्ने उनको भनाइ छ ।
संघलाई समाबेशी गतिशील र सस्थाको सदस्यहरुको हितमा काम गर्ने संस्थाको रुपमा उभ्याउने अठोट लामाको छ ।
पर्वतीय पर्यटनको आधार स्तम्भ आरोहीहरुको अदम्य साहस समर्पणलाई सम्मान गर्ने बाताबरण निर्माण गर्न नीतिगत तहमा साझा छलफल बहस साथै पहल गर्न पनि आफ्नु उम्मेदवारी भएको लामाको तर्क छ ।
ब्यबसायिक आरोहीहरुको आर्थिक सामाजिक जिबनलाइ उन्नत बनाउदै सुरक्षित आरोहणको लागि काम गर्ने प्रतिबद्दता शेर्पा समूहको छ ।
