पर्वतारेहण संघको महासचिवमा नहर्कीको उम्मेदवारी

काठमाण्डू, नेपाल पर्वतारेहण संघको आसन्न निर्वाचनका लागि कुल गुरुङसमूहबाट महासचिवमा विमल नहर्कीले उम्मेदवारी दिएका छन् ।

एक कार्यकाल संघको कार्यसमितिमा रहेर काम गरिसकेका नहर्की तीन दशकदेखि पर्यटन क्षेत्रमा क्रियाशील रहँदै आएका छन् ।

पर्वतीय पर्यटनमा लामो अनुभव संघालेका नहर्की इको ट्रेक नेपाल प्रालिका व्यवस्थापन निर्देशक, टेम्पल ट्री रिसोर्ट एण्ड स्पा (पोखरा), होटल पोखरा बाटिका (पोखरा), होटल हिमालयन हेरीटेज एण्ड स्पा र श्री बन नेचर क्याम्प (नलगं, धादिङ) जस्ता प्रतिष्ठित पर्यटन आयोजनासँग आबद्ध छन् ।

हालै सम्पन्न एसोसिएसन अफ कैलाश टूर्स अपरेटर्स नेपालको साधारणसभाबाट नहर्की अध्यक्ष पदमा निर्वाचित भएका छन् ।

महासचिवका उम्मेदवार नहर्कीले पर्वतीय पर्यटन क्षेत्रको विकासका लागि बिभिन्न योजना सहित चुनावी मैदानमा उत्रिएका छन् ।

नहर्कीले हिमाल आरोहणका क्रममा मृत्यु र दुर्घटनाको दर घटाउन सुरक्षित मार्गदर्शन प्रणाली विकास गर्ने र मौसमको पूर्वसूचना प्रणाली सुधार गर्दै उद्धार संयन्त्रलाई थप छिटो र छरितो बनाउने योजना अघि सारेका छन् ।

यसका अलावा नहर्कीले वीमा, आकस्मिक उद्धार, हेलिकप्टर रेस्क्यु प्रक्रियामा पारदर्शिता र सहजता ल्याउन सबै निकार्यसंँग सहकार्य गर्ने अठोट लिएका छन् ।

आरोहण अनुमति प्रक्रिया डिजिटलाइज गर्दै अनावश्यक ढिलासुस्ती हटाउने र सिजनल कामदारहरूकोे न्यूनतम तलब, सुरक्षा सुविधा र बीमा अनिवार्य गरेर अनुभवी पर्वतारोहीहरूको लागि प्रोत्साहन योजना महासचिवका उम्मेदवार नहर्कीले अघि सारेका छन् ।

युवा पर्वतारोहीहरूलाई प्रशिक्षण, अन्तर्राष्ट्रिय प्रतियोगिता, तथा प्रोसाहान कार्यक्रम संचालमा ल्याउँदै आरोहण क्षेत्रबाट फोहोर हटाउने अभियानलाई संस्थागत बनाउने र हिमाली पर्यावरण संरक्षणमा संघको स्पष्ट नीति र कडाइ साथ कार्यान्वयन नहर्कीले प्रतिबद्दता ब्यक्त गरेका छन् ।

बढ्दो जलबायु परिबर्तनले हिमाल र हिमाली भेगमा बसोबास गर्ने समुदायलाइ परेको असरबारे नजिकबाट अनुभूति गरेका नहर्की पर्वतीय पर्यटनभित्रका भोगाइ र पीडाहरुलाई शिक्षाका रुपमा लिएर अघि बढेका ब्यावसायी हुन् ।

जवाफदेहिता र असल कर्मप्रतिको विश्वासले मात्र दिगो पर्यटकीय प्रबर्धन,बाताबरणीय संरक्षण तथा हिमालको संरक्षण र आरोहीहरुको बर्तमान अवस्थालाई अझै ब्यबस्थित बनाउन सकिने नहर्कीको बुझाइ छ ।