एक सय ८१ जना सवार जेजु एयरको विमान दुर्घटनामा दुई जना बाहेक सबैको निधन भएको आशंका

एजेन्सी, दक्षिण कोरियामा आज बिहान भयानक विमान दुर्घटना भएको छ । कोरियाको योनहाप समाचार एजेन्सीका अनुसार १८१ यात्रु बोकेको सो विमान दुर्घटना हुँदा दुई जना बाहेक सबैको मृत्यु भएको शंका गरिएको छ ।

अहिलेसम्म ८५ जनाको शव फेला परेको जनाइएको छ । २ जनाको ज्युँदै उद्दार भएको छ । अन्य ९४ जनाको उद्दार प्रयास भइरहेको जनाइएको छ ।

विमान धावनमार्गबाट ​​बाहिर निस्केको र देशको दक्षिण पश्चिममा रहेको मुआन अन्तर्राष्ट्रिय विमानस्थलको पर्खालमा ठोक्किन पुगेको थियो ।

समाचार अनुसार १७५ यात्रु र ६ जना उडान परिचर बोकेको जेजु एयरको विमान थाइल्याण्डबाट फर्किएको थियो र अवतरण गर्ने क्रममा दुर्घटना भएको बताइएको छ ।

उद्दार कार्य जारी रहेको जनाउँदै सो समाचार एजेन्सीले पूर्ण विवरण नआइसेको जनाएको छ ।